Barcelonë, banorët duhet të qendrojnë në shtëpi pas rritjes së numrave të të infektuarve

Nga Exit News
Barcelonë, banorët duhet të qendrojnë në shtëpi pas rritjes së numrave të të infektuarve

Autoritetet e rajonit të Katalunjës në Spanjë i kanë bërë thirrje banorëve të Barcelonës të qendrojnë në shtëpi dhe të shmangin grumbullimet me mbi 10 veta, si masë për ndalimin e përhapjes së koronavirusit, raporton Politico.eu. Vendimi u morr pasi në 24 orët e fundit u regjistruan 1, 111 raste të reja në Katalunja.

Zëdhënësja e qeverisë rajonale, Meritxell Budó, i rekomandoi banorëve të mos shkojnë në shtëpitë e tyre të pushimit. Gjithashtu, ajo tha se do të kufizohet numri klientëve në bare dhe restorante.

Por qeveria nuk vendosi izolimin e zonës, duke thënë se rekomandimet e reja nuk e këshillojnë më këtë hap.

Në fillim të javës edhe në një qytet tjetër në Katalunja u ndalua izolimi, pasi gjykatësi vendor nuk pranoi të ratifikoi vendimin e qeverisë rajonale, duke thënë se një vendim i tillë i përket qeverisë qendrore.

Spanja, një nga vendet më të prekura të Evropës, mbajti të enjten një ceremoni zyrtare të drejtuar nga Kryeministri në kujtim të jetëve të humbura nga koronavirusi.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>