Bernie Sanders mbështet publikisht kandidaturën e Joe Biden për President

Nga Exit News
Bernie Sanders mbështet publikisht kandidaturën e Joe Biden për President

Bernie Senders, ish-kandidati demokrat për President i Shteteve të Bashkuara të Amerikës, mbështeti të hënën kandidaturën e Joe Biden.

Në një bashkëbisedim virtual të organizuar mes dy ish-rivalëve të Partisë Demokratike, Sanders i tha Bidenit:

“Do t’u kërkoj gjithë amerikanëve të bëhen bashkë në këtë fushatë, për të mbështetur kandidaturën tënde [Biden], të cilën unë e mbështes, për të mundur presidentin më të rrezikshëm që ka parë ndonjëherë historia e SHBA-ve”.

Mbështetja publike e Sanders vjen rreth një javë pasi ai u tërhoq nga fushata e tij për të fituar kandidaturën për presidencialet.

Më 3 nëntor SHBA-të do të zhvillojnë zgjedhjet për president ku Joe Biden nga demokratët do të kandidojë përballë Donald Trump nga republikanët.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>