Presidenti i zgjedhur, Joe Biden prezantoi të enjten paketën e ndihmës ekonomike, për përballimin e pasojave të Covid-19.
Paketa përfshin 415 miliardë dollarë për të forcuar përgjigjen ndaj virusit dhe shpërndarjen e vaksinave, rreth 1 trilion dollarë ndihmë të drejtpërdrejtë për familjet dhe afërsisht 440 miliardë dollarë për bizneset e vogla dhe komunitetet që janë goditur veçanërisht nga pandemia.
Biden pohoi se duhen bërë shumë shpenzime në mënyrë që të kemi shmangie të dëmit ekonomik në afatgjatë.
“Nuk është e vështirë të shohësh se jemi në mes të një krize ekonomike, që ndodh një herë në disa breza, së bashku me një krizë të shëndetit publik, që ndodh një herë në disa breza”
SHBA është një nga vendet më të prekura nga Covid-19. Ajo raporton 350 mijë viktima.
