Komisioneri Qendror për Zgjedhjet Ilirjan Celibashi takoi, të premten, ambasadoren amerikane Yuri Kim.
Tema kryesore e bisedës ishte organizimi i zgjedhjeve të 25 prillit dhe përfshirja e teknologjisë në process.
Në një postim në Twitter, Celibashi u shpreh:
“Identifikimi biometrik, votimi elektronik, lista e zgjedhësve, dokumetet e identifikimit, dekriminalizimi, masat për parandalimin e shitblerjes së votës & mashtrimit në zgjedhje, patën fokusin e diskutimit me Ambasadoren e SHBA, Yuri Kim në takim e sotëm në KQZ.”
Celibashi theksoi se krijimi i besimit të të gjithë aktorëve në integritetin e procesit zgjedhor është një sfidë për KQZ-së.
Takimi me ambasadoren Kim vjen pas një sërë takimesh të Celibashit me ambasdorët e huaj në vend, për t;i njohur ata me punën e bërë deri më tani për zgjedhjet e 25 prillit.
