Një ciklon i fuqishëm që goditi ishujt Fixhi ka shkaktuar dëme të mëdha në disa zona ndërsa qindra njerëz kanë ngelur pa strehë dhe ujë të pijshëm.
Cikloni “Yasa” u klasifikua si stuhi e kategorisë pesë. Ai goditi ishujt të enjten ndërsa deri tani janë konfirmuar 4 viktima, raporton Reuters.
Monitorimi nga ajri ka vlerësuar se disa ishuj janë shkatërruar pjesërisht ndësa ishulli i vogël Kia u shkatërrua plotësisht, sipas Kryqit të Kuq të Fixhit.
Dëmtimi i rrjetit të komunikimit dhe moti i keq kanë vështirësuar përpjekjet për vlerësimin e dëmeve dhe ka shqetësime për përhapjen e sëmundjeve.
Australia po dërgon avionë të forcave ajrore për të ndihmuar në mbikëqyrjen e zonave të prekura nga stuhia dhe ka ofruar ndihmë të mëtejshme për Fixhin nëse është e nevojshme.
