Mekanizmi Covax paralajmëroi se do të ketë mungëse të furnizimeve me vaksina për shkak të situatës së pandemisë në Indi.
Përmes një njoftimi Covax shkruan se :
“Edhe pse COVAX-i do të ketë në dispozicion sasi të mëdha të vaksinave më vonë gjatë këtij viti, përmes marrëveshjeve që tashmë janë nënshkruar me disa kompani prodhuese, nëse ne nuk e adresojmë këtë çështje tani, mungesa e furnizimeve mund të ketë pasoja katastrofike”
COVAX i bëri thirrje qeverive të vendeve të pasura “të zhbllokojnë burimet e reja të vaksinave, me dërgesa duke filluar nga qershori dhe të na financojnë, në mënyrë që ne të mund të shpërndajmë vaksina.
“COVAX ka në dispozicion infrastrukturë për të lehtësuar dhe koordinuar këtë përpjekje komplekse globale”, shtoi ai.
Që prej shkurtit, sipas COVAX janë shpërndarë mbi 70 milionë doza të vaksinave në 126 shtete dhe mbi 35 shtete kanë marrë dozat e para të vaksinës falë këtij programi.
