Damian Gjiknuri deklaron se si ministër i Energjitikës ka ndërprerë kontratën me Phoenix Petroleum

Nga Exit News
Damian Gjiknuri deklaron se si ministër i Energjitikës ka ndërprerë kontratën me Phoenix Petroleum

Deputeti Damian Gjiknuri deklaroi se kur ishte Ministër i Energjitikës ndërpreu kontratën për përdorimin e Amonicës me kompaninë Phoenix Petroleum.

Në një status në Facebook, Gjiknuri ai shkruan se:

“Në Marsin e vitit 2017, në cilësinë e Ministrit të Energjisë dhe Industrisë kam autorizuar shoqërinë shtetërore Albpetrol Sh.a. për të njoftuar zyrtarisht mbylljen e marrëveshjes hidrokarbure “Për zhvillimin dhe prodhimin e hidrokarbureve në vendburimin e Amonicës”. Vendburimi i Amonicës është marrë fizikisht nën kontroll nga Albpetrol në datën 13 Mars 2017.
Gjithashtu është urdhëruar fillimi i procedurës për marrjen në dorëzim nga Albpetrol të vendburimeve të naftës nga kompania Phoenix Petroleum sh.a. Ky vendim erdhi si rezultat i mos përmbyshjes së detyrimeve kontraktuale nga kompania “Phoenix Petroleum sh.a” dhe ndalimin e punës në vendburimin e Amonicës që prej muajit Nëntor 2016.”

Gjiknuri pohoi se pasi u vërtetua falsifikimi i dokumenteve nga kjo kompani udhëzoi Albpetrolin të kallëzonte në prokurori Phoenix Petroleum.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>