Biznesmeni Donald Trump ka fituar zgjedhjet presidenciale të Shteteve të Bashkuara të Amerikës. Kandidati i republikanëve ka marrë deri më tani 276, ndërsa kandidatja demokrate Hillary Clinton ka marrë 218 vota elektorale, nga 538 vota në total.
Numri i nevojshëm i votave elektorale për tu zgjedhur president është 270.
Procesi i votimit është mbyllur rreth orës 5 së mëngjesit, me orën shqiptare. Numërimi ka përfunduar në 42 nga 5 shtete.
Donald Trump, në fjalim e fitores mbajtur në New York, deklaroi se Zonja Clinton e ka telefonuar për t’i uruar për fitoren e zgjedhjve.
Drejtuar të gjithë republikanëve dhe demokratëve, presidenti i sapozgjedhur Trump deklaroi se është koha që të gjithë amerikanët të bashkohen.
“Unë do të jem president i gjithë amerikanëve. Ju që nuk më keni mbështetur në të shkuarën, po ju kërkoj të më ndihmoni dhe të punojmë sëbashku,” u shpreh Trump.
Fitorja e kandidatit republikan nuk ishte parashikuar nga sondazhet paraprake. Që në fillimin të fushatës presidenciale, kandidatura e Zotit Trump brenda Partisë Republikane u pa me skepticizëm.
