Eurokomisioneri për Zgjerimin Oliver Varhelyi përkujtoi të martën gjenocidin e Srebenicës.
Në një postim në Twitter, Varhelyi shkroi:
‘Gjenocidi i Srebrenicës është ende një plagë e hapur në zemër të Evropës.
Ajo na kujton përgjegjësinë tonë të përbashkët për të parandaluar që gjenocidi të mos ndodhë përsëri.
Vlerat aq të shkelura në mënyrë dramatike 25 vjet më parë tani janë në thelb të angazhimit tonë në Ballkanin Perëndimor.’
Më shumë se 8 mijë boshnjakë myslimanë, kryesisht burra dhe djem, u vranë në korrik 1995 në Bosnje dhe Hercegovinë, nga ushtria serbe nën udhëheqjen e gjeneralit Ratko Mladiç.
Masakra mori emrin Gjenocidi i Srebenicës pasi ndodhi në këtë rajon dhe pasi gjykata e Hagës e ka njohur atë si gjenocid, vrasje masive e një populli.
