Një pjesë e vilës në të majtë të godinës ku ka qenë vendosur Radio Tirana është shembur.
Godina që ndodhet në rrugën Kont Urani, që lidh rrugën e Kavajës me atë Durrësit, është pjesë e kompleksit të vilave të ndërtuara në vitet 1920, kur Tirana po merrte formën e një kryeqyteti perëndimor.
Sipas një plani të miratuar nga Bashkia e Tiranës, kjo vilë dhe dy objekte të tjera pranë saj do të shemben për tu ndërtuar një godinë moderne shumëkatëshe.
Vila që do të ruhet është ish-Radio Tirana, e cila është monument kulture i kategorisë së dytë. Megjithatë ajo nuk është mirëmbajtur nga institucionet dhe pronarët duke u lënë të degradohet sëbashku me vilat përreth.
