Agjensia kufitare e BE-së (Frontex) ka pezulluar të martën të gjitha operacionet në Hungari.
Kjo masë erdhi pas vendimit të Gjykatës Europiane të Drejtësisë, e cila gjeti shkelje të procedurave të azilit, duke përfshirë dhe kthimin e emigrantëve të paligjshëm.
“Frontex ka pezulluar të gjitha aktivitetet e tij operacionale në Hungari.Përpjekjet tona të përbashkëta për të mbrojtur kufijtë e BE-së mund të jenë të suksesshme vetëm nëse bashkëpunimi dhe aktivitetet të jenë plotësisht në përputhje me ligjet e BE-së,” u shpreh një zëdhënës i Frontex.
Ky vendim u përshëndet dhe nga Komisionerja për Punët e Brendshme, Ylva Johansson.
Komiteti i Helsinkit në Hungari (HHC), tha se Hungaria kishte kthyer më shumë se 4.400 migrantë që nga vendimi i gjykatës së BE.
