![Vasili, Bylykbashi, Gjiknuri Gjiknuri: Deri në 31 maj nuk mund të ndryshohet sistemi, palët kanë rënë dakort](https://exit.al/wp-content/uploads/2020/05/Vasili-Bylykbashi-Gjiknuri.jpg)
Përfaqësuesi i mazhorancës për reformën zgjedhore në Këshillin Politik, Damian Gjiknuri e ka quajtur të pamundur ndryshimin e sistemit zgjedhor brenda 31 majit. Në intervistë për “ABC News” Gjiknuri tha se edhe palët janë dakort për mos përfshirjen e sistemit në ndryshimet që do të sjellë tryeza e reformës.
“Çështja e sistemit zgjedhor kërkon shumë kohë, nuk mund të rezalizohet brenda 31 majit, palët kanë rënë dakord se meqë përfshin Kushtetutën, kjo do të kërkojë konsultë shumë të gjerë dhe nuk do të ishte e mundur që brenda 31 majit mund të adresonin ribërjen e sistemi zgjedhor”, tha Gjiknuri.
Gjiknuri ka dalë kundër ndryshimit të sistemit zgjedhor në parlament, ku problemin e gjeti “jo tek sistemi, por mospranimi i rezultatit nga humbësit”.