Gjiknuri: Nuk mund të diskutojnë çdo kërkesë të PD-së për Reformën Zgjedhore

Nga Exit News
Gjiknuri: Nuk mund të diskutojnë çdo kërkesë të PD-së për Reformën Zgjedhore

Kryetari i Komisionit të Reformës Zgjedhore Damian Gjiknuri deklaroi të hënën se Këshilli Politik nuk mund të diskutojë çdo kërkesë të opozitës pasi tashmë ka një axhendë të miratuar.

Pas përfundimit të takimit online me Hajdarin, Bylykbashin dhe Vasilin, Gjiknuri u shpreh:

“Nuk mund të hapen çështje të reja. Nuk mund të rikthejmë më axhendat. Ka një metodologji të dakordësuar dhe nuk mund t’i rikthehemi lojës nga e para.

Unë mund të kem listën time të dëshirave por kemi një dokument dhe s’mund të lëvizim nga kjo.

Ne duam që të ezaurojmë këtë proces me opozitën, por kjo nuk është listë dëshirash e PD-së.”

Me këtë deklaratë duket se Gjiknuri i është përgjigjur kërkesave të opozitës për të diskutuar ngritjen e një qeverie teknike para çdo zgjedhjeje dhe bërjen e ndryshimeve të nevojshme në Kodin Zgjedhor për këtë.

Por shumica socialiste e përjashtoi përfshirjen e kësaj çështjeje në reformën zgjedhore me argumentin se kjo është një kërkese poltike dhe nuk përfshihet tek rekomandimet e OSBE-ODHIR për reformën zgjedhore.

Lajme te ngjashme