Pesë lokale në Krujë e Durrës janë gjobitur pasi kishin organizuar dasma në shkelje të aktit normativ anti-Covid.
Katër prej lokaleve të gjobitura janë në Krujë, ndërsa një në Durrës.
Përveç gjobës prej rreth 8 mijë eurosh, policia ka pezulluar aktivitetin për dy prej lokaleve, për 6 muaj, sepse vazhdonin të organizonte dasma edhe pse ishte gjobitur më parë.
Për të parandaluar përhapjen e Covid-19, qeveria, përmes një akti normativ, ka ndaluar grumbullimin e qytetarëve në ambiente të mbyllura. Të gjithë ata që shkelin aktin gjobiten dhe rrezikojnë pezullim të aktivitetit për një vit.
