Gjyakata Administrtaive ka shtyrë me 5 ditë seancën për shqyrtimin e kërkesës së Frymës së Re Demokratike, për pezullimin e vendimit për largimin nga zyrat. Jashtë godinës së Gjykatës, Sali Shehu kryetar i FRD-së u shpreh për gazetarët se:
“FRD do të njoftojë Bashkinë Tiranë dhe përfaqësitë e huaja se janë në kundërshtim me ligjin. Do të presim vendimin e gjykatës”.
Bashkia Tiranë nuk mund të na nxjerr nga zyra Brenda këtyre 5 ditëve sepse e pengon ligji, u shpreh Shehu. Institucioni ka urdhëruar FRD-në të largohet nga zyrat e dhëna nga qeveria në godinën e ish-selisë së PD-së, përballë qendrës tregtare “Toptani”.
Vendimi i Bashkisë Tiranë u kundërshtua nga përfaqësuesit e FRD-së, të cilët e paditën Bashkinë në Gjykatën Administrative. Ata shprehen se sipas ligjit, partitë të cilët kanë 1 përqind të votave në 3 zgjedhjet e fundit duhet të pajisen me zyrë nga qeveria vendore.
Sot, të martën është dita e fundit e afatit per lirimin e zyrave nga FRD.
