Greqia regjistroi të dielën 2 327 raste të reja me koronavirus në 24 orët e fundit, 6 prej të cilave kapur në kufi, sipas të dhënave që vijnë nga agjensia e lajmeve AMNA.
Greqia ka konfirmuar 437 345 raste me koronavirus qysh nga fillimi i pandemisë.
Në rastet e konfirmuara të 7 ditëve të fundit, 153 infeksione kanë të bëjnë me udhëtime nga jashtë, ndërkohë që 1 986 të tjera janë gjurmuar te një pacient i mëparshëm.
Vendi shënoi 2 vdekje në të njëjtin interval, duke e çuar numrin e përgjithshëm të viktimave, që nga fillimi i pandemisë, në 12 787.
Shumica e atyre që humbën jetën kishin sëmundje të tjera të mbivendosura dhe ishin mbi 70 vjeç.
Mesatarisht, javën e fndit janë shtruar 56 pacientë në spitale, ndërkohë që qysh nga fillimi i pandemisë rreth 2 735 pacient janë liruar nga reanimacioni.
Mosha mesatare e rasteve të reja ishte 42, dnërsa mosha mesatare e viktimave llogaritet 78 vjeç.
Greqia ka vaksinuar plotësisht rreth 4 milion prej 10,7 milion banorëve të saj, ndërkohë që ka administruar mbi 9 milion doza vaksinash gjithsej.
Fushata e vaksinimit duket se ka ndikuar ndjeshëm në numrat e shtrimeve dhe fataliteteve, ndonëse vendi ka ende numër të lartë rastesh të reja.
