Greqia do t’u ofrojë bareve dhe restoranteve, të bllokuar prej rreth një muaji, rreth 330 milion € fonde shtesë, për t’u atyre mundësuar rihapjen javët e ardhshme, thanë zyrtarët grek të enjten.
Më shumë se 70,000 restorante, bare dhe kafene janë mbyllur që nga nëntori, kur u vendos një izolim i rreptë për të përmbajtur valën e dytë të pandemisë së koronavirusit.
Shoqatat e industrisë vlerësojnë se rreth një në pesë mund të mos jetë në gjendje të hapet përpara sezonit turistik veror.
“Qëllimi ynë është i qartë … të rihapim bizneset tuaja sa më të qetë të jetë e mundur,” tha Kryeministri Kyriakos Mitsotakis gjatë një takimi me ministrat dhe përfaqësuesit e sektorit.
Çdo biznes do të përfitojë një grant deri në 100,000 euro, sipas kritereve specifike, për të trajtuar kostot e rihapjes, me paketën totale që arrin në 330 milion euro, tha ministria e financave në një deklaratë.
Zyrtarët qeveritarë thanë muajin e kaluar se restorantet mund të hapen në prill vonë përpara hapjes së planifikuar të sektorit të turizmit nga mesi i majit.
Sektori tashmë ka marrë 1 miliard euro nga shteti në kredi të lira dhe grante të tjera.
Ende duke u marr vetën nga kriza e një dekade të gjatë borxhi, Greqia është zhytur përsëri në recesion të thellë nga pandemia dhe shpresat për një rritje nga sezoni turistik jetësor i verës kanë pësuar goditje nga infeksionet në shtim në të gjithë Evropën.
Autoritetet greke lehtësuan disa masa izolimi të mërkurën për të lehtësuar lodhjen e njerëzve nga kufizimet e zgjatura, duke lejuar që dyqanet e vogla me pakicë të rihapen.
