Gjatë 2 javëve të para të gushtit është rritur ndjeshëm numri i turistëve në Muzeun e Ikonografisë Onufri dhe Muzeun Etnografik në Berat, krahasuar me muajt e mëparshëm.
Përmes një postimi në Facebook, Qendra Kombëtare e Muzeumeve në Berat njoftoi se në dy javët e gushtit, muzetë janë vizituar nga 98 për qind e gjithë vizitorëve të korrikut.
Ndërkohë krahasuar me qershorit, numri i vizitorëve gati është dy-fishuar.
Vizitorët vendas zënë 49 përqind të totalit, ndërsa ata të huaj 51 për qind.
Vizitorët e huaj janë kryesisht polakë, bjellorusë, çekë, ukrainas e francezë, sqaron QKM-ja.
Po ashtu, është rritur dhe më 112 për qind në gusht krahasuar me muajt e mëparshëm, numri i vizitorëve që i kanë prenotuar dhe blerë biletat për të vizituar dy muzetë.
Megjithëse numri i vizitorëve është ende i ulët krahasuar me një vit më parë, shtimi i vizitorëve në gusht është një sinjal pozitiv, duke pasur parasysh epideminë e Covid-19.
