Deputetja Rudina Hajdari ka kërkuar mbledhjen e Këshillit Politik të martën në orën 12:00.
Në një email, dërguar anëtarëve të KP, Hajdari përshëndeti draftin e Partisë Demokratike duke kërkuar të diskutohet mbi propozimet.
“Me kënaqësi konstatova se Partia Demokratike ka dorëzuar pranë Këshillit Politik një draft propozim për amendamentet e Kodit Zgjedhor, propozim ky i cili shkon përkrah atij të opozitës parlamentare e që synon hapjen reale të listave 100% duke ia mundësuar qytetarit e jo më kryetarit përzgjedhjen e deputetëve në Parlamentin e ardhshëm.
Duke qenë se tashmë të gjitha palët i kanë depozituar propozimet e tyre lidhur me këtë çështje, propozoj të takohemi nesër në orën 12:00 për të diskutuar dhe mundësisht dakordësuar rreth kësaj çështjeje.“
Hajdari i kërkoi KP të miratojë me konsensus hapjen 100 perqind të listave.
