Hollanda do të rifillojë administrimin e vaksinës Johnson & Johnson nga e mërkura, njoftoi Ministri holandez i Shëndetësisë Hugo de Jonge pas deklaratës së rregullatorit Evropian të ilaçeve, EMA.
“Vaksina Johnson & Johnson mund të përdoret siç është planifikuar dhe ne do të fillojmë ta përdorim atë nesër”, tha De Jonge në një konferencë për shtyp, disa orë pasi Agjencia Evropiane e Barnave deklaroi se përfitimet nga vaksina tejkalojnë çdo rrezik.
Hollanda mori dërgesën e saj të parë prej 79 200 doza nga kompania në 12 prill por ende nuk e ka nisur përdorimin e vaksinës.
EMA me bazë në Amsterdam tha se komiteti i saj i sigurisë kishte arritur në përfundimin se përfitimet e tij ishin më të mëdha se rreziqet e saj.
Rishikimi i saj vjen pas tetë raste serioze të mpiksjes së gjakut të pazakontë që lidhen me nivele të ulëta të trombociteve të gjakut, duke përfshirë një vdekje. Rastet u raportuan në SHBA, ku më shumë se shtatë milion njerëz janë vaksinuar me vaksinen.
