Kryeministri i Kosovës Avdullah Hoti deklaroi, të enjten, se situata me të cilën po përballet Kosova sa i përket pandemisë së Covid-19, është ‘situatë lufte’.
Gjatë një vizite në Qendrën Klinike Universitare ku po trajtohen pacientët me Covid-19, Hoti u shpreh:
“Kjo është një situatë praktikisht e luftës, duke u përballur çdo ditë me një rrezik të madh, me viktima.”
Hoti theksoi se ka kërkuar që të rritet efikasiteti në punë, për të përmirësuar shërbimin në Qendrën Klinike dhe nëpër spitalet regjionale ndaj pacientëve.
Kryeministri falenderoi mjekët infermierët, stafin teknik, të gjithë ata që janë në përballje me këtë pandemi prej 8 muajsh.
Prej 13 marsit, në Kosovë janë infektuar në total 26,121, prej të cilëve 777 kanë humbur jetën.
