Ish-deputeti demokrat Bedri Çollaku ka humbur jetën, të shtunën, i infektuar me Covid-19.
Çollaku, 70 vjeç, prej disa javësh ishte i shtruar në spital, por nuk ka mundur të mbijetojë.
Lajmin për ndarjen e tij nga jeta e dha guvernatori i Bankës së Shqipërisë, Gent Sejko, përmes një shkrimi në rrjetet sociale ku ndër të tjera, shkroi:
“Me një karrierë të spikatur e mbi 40-vjeçare në fushat e bankingut qendror e tregtar, z. Çollaku do të kujtohet si një ndër ekspertët që ka kontribuar në hedhjen e themeleve të mbikëqyrjes bankare shqiptare, sektor të cilin e drejtoi gjatë viteve të para të krijimit të tij, në fillim të viteve ‘90.”
