Zëvendësministrja e Shëndetësisë Mira Rakacolli tha të martën se në rastet e larta të shënuara gjatë shkurtit mund të ketë ndikuar ardhja e varianteve të reja në vend.
“Kemi ndryshime shumë të mëdha, që besoj do të vërtetohen edhe laboratorikisht, që kemi edhe variantet e reja të koronavirusit, që ka transmetueshmëri më të lartë”, tha Rakacolli të martën në një intervistë në News 24.
Varianti britanik është më infektiv, tha ajo dhe shtoi se ai mund të infektojë 4-5 njerëz, ndryshme nga i pari që mund të infektonte 1-2 njerëz.
Sipas saj kjo mund të ketë ndikuar në rritjen e rasteve në muajin shkurt.
