Ish-kryebashkiakja e Gjirokastrës Zamira Rami, do të gjykohet nga Gjykata e Posaçme për Korrupsion dhe Krimin e Organizuar për akuzën e shpërdorimit të detyrës.
Prokuroria e Posaçme e SPAK ka çuar sot për gjykim dosjen e ish-kryebashkiakes së LSI-së.
Zamira Rami akuzohet nga SPAK se në dy raste ka shkelur ligjin duke prishur dy prona të ligjshme të dy shtetasve duke u sjellë atyre një dëm prej rreth 5 milionë e 600 mijë lekësh.
Prokuroria e Posaçme mori nën hetim ish-kryebashkiaken e Gjirokastrës në janar të këtij viti pasi dy qytetarët që iu ishin prishur objektet kishin bërë kallëzim për shpërdorim detyre në prokurorinë e rrethit.
Zamira Rami e ka drejtuar Bashkinë Gjirokastër, si përfaqësuese e Lëvizjes Socialiste për Integrim në vitet 2015-2019.
