Izraeli dhe Bahreini nënshkruan marrëveshje për krijimin e marrëdhënieve diplomatike, të dielën, një muaj pas një ceremonie historike në Shtëpinë e Bardhë.
“Marrëveshja e përbashkët për krijimin e marrëdhënieve paqësore dhe diplomatike” mundëson se dy vendet mund të hapin ambasada dhe të nënshkruajnë më shumë marrëveshje bashkëpunimi.
Sekretari i Thesarit, Steven Mnuchin dhe i dërguari i Shtëpisë së Bardhë Avi Berkowitz ishin të pranishëm në nënshkrimin e marrëveshjes, së bashku me ministrin e jashtëm të Bahreinit dhe këshilltarin e sigurisë kombëtare të Izraelit.
Zyrtarët izraelitë dhe Bahraini zhvilluan bisedime për disa orë dhe nënshkruan tetë memorandume mirëkuptimi (MOU) mbi vizat, tregtinë, bujqësinë, investimet, fluturimet direkte, financat dhe investimet.
Pas ceremonisë së nënshkrimit, një zyrtar i lartë i Ministrisë së Jashtme izraelite i dorëzoi Ministrit të Jashtëm të Bahreinit një notë diplomatike me një kërkesë zyrtare për hapjen e ambasadës izraelite në Manama.
