Merrni pak kohë nga e përditshmja juaj për të përgatitur një pjatë me shije të papërsëritshme: Peshk i pjekur në kripë.
Jamystic do t’ju udhëheqë në zbatimin e saj.
Për 5-6 persona nevojiten:
- 1 peshk 2-2,5kg ( levrek,koce,korb);
- 1 limon;
- 5 qese me kripë të trashë;
- 4 degë trumzë.
Ndezim furren në 200 gradë.
Në një tepsi hedhim dy qese kripë të zezë në pērmasën e peshkut.
E thajmë dhe e lyejmë peshkun me vaj ulliri nga të gjitha anët dhe i fusim tek barku fetat e limonit dhe degat e trumzës.
E vendosim mbi shtratin e kripës dhe e mbulojmë me kripën e tre qeseve të tjera.
E vendosim në furrë për 1 orë e gjysmë.
Duhet pak kujdes kur te hiqni pjesën e sipërme të kripës se forcohet si shkëmb.
Mund ta shoqëroni me patate, karrota me gjalpë apo bishtaja te zjera.
Jamystic këshillon: Peshku im quhej ” korb” nuk ka çmimin e levrekut por është njësoj i shijshëm.
Kujdes: Duhet ta kerkoni peshkun vetem të boshatisur tek barku pa i hequr luspat.