Japonia i dhuroi Tajvanit 1.24 milion doza të vaksinës AstraZeneca , më shumë se dyfishi i dozave që vendi ka marrë deri më tani.
“Në kohën e tërmetit të madh në Japoninë Lindore 10 vjet më parë, njerëzit në Tajvan na dërguan shumë donacione shpejt. Unë besoj se kjo është gdhendur gjallërisht në mendjet e njerëzve japonezë, ” citohet nga The Guardian ministri i jashtëm japonez, Toshimitsu Motegi.
Ai shtoi se dhurata ishte thjesht një reflektim i partneritetit dhe miqësisë mes vendeve.
Japonia ka porositur 120 milion doza AstraZeneca, pas miratimit për përdorim muajin e kaluar, por ajo ende nuk ka vendosur t’i administrojë për shkak të shqetësimeve për rastet e mpiksjetve të gjakut.
Ministri i Shëndetësisë i Tajvanit, Chen Shih-chung shprehu mirënjohjen që dozat vijnë në një moment kur rastet e infektimit në ishull janë në rritje.
“Besoj se do të jenë shumë të dobishme në parandalimin e përgjithshëm të pandemisë,” deklaroi ai nga aeroporti i Tajpeit.
Vendi aktualisht ka vaksinuar më pak se 2% të popullsisë së tij dhe ka akuzuar Kinën se ka bllokuar përpjekjet për sigurimin e vaksinës Pfizer/BioNTech.
