Komisioni i Pavarur i Kualifikimit ka konfirmuar të hënën në detyrë gjyqtaren e Gjykatës Administrative të Apelit Blerona Hasa.
Vendimi u mor nga Olsi Komici, Brunilda Bekteshi dhe Xhensila Pine.
Gjatë seancës së 23 korrikut, KPK deklaroi se kishte gjetur disa pasaktësi në deklarimin e pasurisë së gjyqtares.
Sipas relatores Brunilda Bekteshi, kishte mospërputhje mes të dhënave të pasqyruara në deklaratën veting nga gjyqtarja Hasa dhe dokumentacionit të administruar nga institucionet për ndërtimin e një kati banimi dhe papafingoje në pjesën e sipërme të një shtëpie në Durrës.
Bekteshi tha se ‘nga kryerja e analizës financiare duket se subjekti i vlerësimit nuk ka pasur mundësi financiare në vlerën 6.1 milionë lekë për kryerjen e investimeve për banesën dhe shpenzimet familjare.’
Gjyqtarja Hasa i kundërshtoi gjetjet e KPK-së dhe kërkoi konfimimin në detyrë.
