Këshilli i Evropës do të monitorojë Shqipërinë për krizën politike, reformën në drejtësi, korrupsionin dhe lirinë e medias.
Sipas njoftimit për shtyp të Asamblesë Parlamentare të Këshillit të Evropës (PACE), dy raportues special, Andrej Hunko nga Gjermania dhe Joseph O’Reilly nga Irlanda do ët monitorojnë zbatimin e kërkesave nga Shqipëria. Ata do të vizitojnë vendin nga 28 deri më 30 tetor.
Ata do të takohen me Kryeministrin Edi Rama, me Kryetarin e Kuvendit Gramoz Ruçi, me përfaqësues të Presidentit Meta, me drejtuesit e partive të opozitës, autoritte gjyqësore, përfaqësues të KQZ-së, komunitetin ndërkombëtar dhe përfaqësues të shoqërisë civile.
Shqipëria do të monitorohet edhe për çështjet e repektimit të të drejtave të njeriut. Sipas lajmërimit të publikuar në faqen zyrtare të KiE “vizitat kanë për qëllim vendosjen e një dialogu direkt me autoritetet dhe vëzhgimin e një ose disa çështjeve specifike”.
KiE edhe më parë ka folur për çështje si mbrojtja e fëmijëve, rritja e përfshirjes së personave me paaftësi, përmirësimi i kushteve në burgje, në paraburgim, në institucionet e shëndetit mendor, dhe ndalimi i dëbimit me forcë të qytetarëve të komunitetit romë.
Vendet e tjera që do të monitorohen janë Rusia, Serbia, Azerbaxhani dhe Turqia.
Monitorimi është hartuar për tu siguruara se vendet anëtare “po i përmbushin premtimet për të mbajtur lart standartet demokratike dhe po respektojnë të drejtat e njeriut”.
Raportuesit fillimisht do të organizojnë tavolina diskutimi për të vlerësuar problemet e ngritura. Më pas do të vlerësojnë nëse qeveria ka përparuar në plotësimin e kërkesave të tyre. Dhe në fund do të përpilojnë një raport se si po funksionojnë institucionet demokratike në vendet anëtare.
