KQZ do të kërkojë shtyrjen e afatit të vlefshmërisë së kartave të identitetit dhe pasaportave. Lajmin e bëri të ditur, Komisioneri Shtetëror, Ilirjan Celibashi gjatë një konference për mediat.
Ai tha se 902 mijë qytetarëve ju ka skaduar afati i kartës së identitetit apo pasaportës.
“Lista e zgjedhësve nuk ndryshon dot më, ato janë 3, 584 milionë zgjedhës, mes të cilëve 902 mijë zgjedhës me karta apo pasaporta të skaduara. KQZ do t’i kërkojë qeverisë shtyrjen e vlefshmërisë së kartave dhe pasaportave”
Në lidhje me votimin e qytetarëve të infektuar me Covid-19, Celibashi tha se kuadri ligjor nuk parashikon mundësi për votimin e tyre.
Ai tha se Kodi parashikon vetëm votimin e të dënuarve.
