Krimet e komunizmit, asnjë kujtesë për mijëra të vrarë dhe internuar

Nga Exit News
Krimet e komunizmit, asnjë kujtesë për mijëra të vrarë dhe internuar

Shqipëria është një nga të paktat vende ish-komuniste që nuk ka bërë pothuajse asgjë për krimet e regjimit diktatorial ku numërohen mbi 7 mijë viktima dhe dhjetëra mijëra të burgosur dhe internuar politik.

Në emisionin “Me Pak Fjalë” u fol për krimet e komunizmit dhe nevojën për mos t’i harruar ato.

Dita e Përkujtimit të Viktimave të Regjimit Komunist, 20 shkurti, kaloi sërish në heshtje nga qeveria dhe me të përndjekur politikë të pa dëmshpërblyer.

Gjatë diktaturës komuniste u vranë rreth 6800 persona, 1 mij humbën jetën në burgje ndërsa rreth 6 mijë të tjerë vdiqën nga kushtet e kampeve të internimit.

Në total janë kryer rreth 1 milion vite burg nga 34 mijë të burgosur politik.

Të paktën 59 mijë qytetarë u internuan dhe bënë punë të detyruar për ngritjen e infrastukturave të vendit dhe në bujqësi.

Në total kanë qenë 100 burgje, kampe me tela me gjemba, kampe internimi, kampe pune të detyruar.

Pavarësisht kësaj dhune askush nuk u mbajt përgjegjës. Madje, Shqipëria nuk aplikoi dot me sukses një ligj lustracioni që do të thotë se ish-komunistët dhe bashkëpunëtorët e sigurimit nuk u përjashtuan nga pushteti.

Nga ana tjetër, të përndjekurit nuk u integruan dhe dëmshpërblyen edhe pas 30 viteve. Të dhënat e fundit nga Ministria e Financave flasin për një faturë financiare prej 750 milionë dollarësh për shpërblimet e ish të përndjekurve politikë nga të cilat janë shlyer 230 milionë.

Ndërkohë që ish-të përndjekurit po shuhen përpara se shteti ti kompensojë Shqipëria ende nuk ka një politikë për kujtesën.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>