Alexei Navalny, lideri i opozitës ruse, ka dalë nga spitali pas përmirësimit të gjendjes së tij shëndetësore.
“Gjendja e pacientit është përmirësuar mjaftueshëm duke mundësuar që ai të lirohet nga kujdesi spitalor”, njoftoi të mërkurën, spitali gjerman ku Navalny po mjekohej.
Pavarësisht përmirësimit, mbetet ende për tu parë nëse helmimi me agjentë nervor do të lërë dëme afatgjata tek Navalny.
Një javë më parë, laboratorë të pavarur në Gjermani, Francë dhe Suedi kanë dalë në përfundimin se Navalny është helmuar me agjentit nervor Novichok.
Alexei Navalny dyshohet se u helmua gjatë një udhëtimi në aeroplan nga Siberia për në Moskë, në 20 gusht.
Ai ra në koma dhe në 21 gusht u transferua në Gjermani për tu kuruar, pasi Gjykata Europiane e të Drejtave të Njeriut miratoi kërkesën e avokatëve të tij për ta transferuar për kurim jashtë Rusisë, ku i kërcënohej jeta.
