Kulla DownTown do të jetë më e larta në Tiranë

Kulla DownTown do të jetë më e larta në Tiranë

Kulla DownTown, e cila ka filluar të ndërtohet në rrugën e Elbasanit, do të jetë ndërtesa më e lartë në Tiranë, me lartësi 140 metra.

Kulla do të ketë 37 kate mbi tokë, 5 kate nëntokë dhe një sipërfaqe totale rreth 77 mijë metra katrorë.

Krahasuar me kullat që janë përfunduar tashmë në Tiranë dhe që konsiderohen të larta – për shembull me kullën Ambassador 3, 22 kate – kulla DownTown do të jetë gati dyfish më e lartë.

Punimet për kullën DownTown

Të dhënat e godinës janë bërë publike nga kompania MVRDV dhe arkitekti Winy Maas, i njohur në Shqipëri si një nga arkitektët-klientë të rrethit të ngushtë të Kryeministrit Edi Rama.

Projekti i kullës u miratua në heshtje dhe fshehtësi nga Këshilli Kombëtar i Territorit më 14 prill 2017 dhe të dhënat e sakta të projektit nuk u bënë asnjëherë publike.

Leja e zhvillimit të kullës iu dha fillimsht kompanisë DT1 shpk.

Kjo kompani u regjistrua në maj 2016 në pronësi të BFI Invest – në pronësi të Samir Manes (35 për qind të aksioneve), Kastrati sha – në pronësi të Shefqet Kastratit (35 për qind të aksioneve) dhe Diagonal Projektim & Zbatim shpk në pronësi të Nikolin Jakës (30 për qind të aksioneve).

Në 15 maj 2017 Nikolin Jaka ia shiti aksionet e tij dy ortakëve të tjerë, duke lënë kompanitë BFI Invest dhe Kastrati sha aksionere të barabarta me nga 50 për qind.

LEXO  Zëvendësministrja e Arsimit Guga: Shkollat po përgatiten për mësimin e alternuar

Më pas në 27 korrik, BFI Invest ia shiti aksionet e saj kompanisë Kastrati, e cila sot është investitorja dhe pronarja e vetme e kullës DownTown. Pas blerjes së aksioneve, më 30 korrik, Kastrati e ndërroi emrin e kompanisë nga DT1Kastrati Construction.

Lajme te ngjashme