Kush janë deputetët e Durrësit me më shumë vota se lista fituese

Nga Rezearta Caushaj
Kush janë deputetët e Durrësit me më shumë vota se lista fituese

Kandidatët për deputet në qarkun e Durrësit të Aleancës për Ndryshim, udhëhequr nga PD, Manjola Luku, Andia Ulliri dhe Igli Cara gjenden jashtë listës fituese, pavaresisht se kane marrë më shumë vota se 5 deputetët e zgjedhur.

Mjekja Manjola Luku, renditur e 9 në listën e kandidatëve, deri në oren 16.30 të së enjtes kryeson me numrin më të madh të votave, 5720.

Votat u grumbulluan nga numërimi i 403 nga 481 kuti votimi që ka qarku i Durrësit.

Ajo ndiqet nga kandidatja Andia Ulliri, renditur në vend të 6, me 5476 vota dhe Igli Cara, renditur i 7-i, me 5177 vota.

Megjithatë, Luku dhe Cara ende nuk kanë thyer ende herësin.

Herësi është një numër që përfitohet nga pjestimi i numrit të votave të siguruara nga subjekti politik në qark me numrin e mandateve të përfituara në atë qark.

Në qarkun e Durrësit, herësi i llogaritur për Aleancën për Ndryshim është 10 576 vota.

Ai kandidat që grumbullon më shumë vota mbi herësin, zëvendëson emrat e fundit të sigurtë në listë.

 

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>