Kuvendi do të diskutojë të hënën për raportin e Komisionit Hetimor për presidentin Meta.
Shumica socialiste, e cila ishte nismëtarja e hetimit, është tërhequr nga kërkesa për shkarkimin e Metës.
Në relacionin përfundimtar të komisionit, shumica socialiste shprehet se presidenti ka bërë shkelje gjatë emërimeve të anëtarëve në Gjykatën Kushtetuese dhe në dekretin për anulimin e zgjedhjeve të 30 qershorit por nuk janë të mjaftueshme për ta shkarkuar.
Ndërsa deputetët e opozitës parlamentare, në minorancë në komision, kërkuan shkarkimin e Metës, pasi sipas tyre ai kapërceu kompetencat e tij kur lëshoi dekretin për anulimin e zgjedhjeve të 30 qershorit.
Raporti përfundimtar, ku shumica e deputetëve të komisionit, tërhiqen nga shkarkimi i Metës, do të diskutohet dhe pritet të miratohet sot në kuvend.
Komisioni hetimor për Metën u miratua në 8 korrik 2019, me një afat 3 mujor, por më pas ky afat u shty disa herë.
Komisioni e akuzonte zotin Meta për shkelje të Kushtetutës për shkak të anullimit të dekretit të për caktimin e datës 30 qershor si datë për zgjedhjet vendore dhe dekretimin e Marsida Xhaferllarit si anëtare e Gjykatës Kushtetuese.
