Liderja e opozitës bjelloruse Sviatlana Tsikhanouskaya ka deklaruar se nuk do të kandidojë më në zgjedhje të reja kundër presidentit Lukashenko nëse ato mbahen.
Në në intervistë për Euronews-in, ajo deklaroi:
“Unë nuk do të marr pjesë në zgjedhje të reja. Unë dhe ekipi im do të organizojmë zgjedhje të drejta dhe transparente ku unë nuk do të përfshihem.”
Ajo ndodhet aktualisht në Lituani, ku shkoi menjëherë pas nisjes së protestava në Bjellorusi, pas zgjedhjeve të 9 gushtit.
Bashkëshorti i saj, ish-kandidat për president, më parë ishte ndaluar nga kandidimi dhe më pas u burgos.
Burgosja e tij ishte arsyeja që e nxiti Tsikhanouskayan të garonte në zgjedhjet e 9 gushtit.
Pas zgjedhjeve të manipuluara, ku fitues u shpall presidenti që prej 1994-ës, Lukashenko, në vend nisën protesta mbarëpopullore. Protestat vazhdojnë akoma, ndërsa OSBE-ja po përpiqet të gjejë një mënyrë për të ndërmjetusuar dialogun mes opozitës dhe Lukashenkos.
