Ministri i Brendshëm Lleshaj ka akuzuar Partinë Demokratike se ka lidhje me kultivuesit e parcelave të kanabisit, fotot e të cilëve denoncoi paraditen e së shtunës.
Në një shkrim në Facebook, Lleshaj shkruan:
“Dy fotot e publikuara sot nga PD janë jo vetëm një fiasko në aspektin informativ, po edhe një tjetër shembull i radhës së PD nuk i intereson e vërteta, po dezinformimi i publikut!
Policia e Shtetit ka shkatërruar prej ditësh jo vetëm dy parcelat në fotot e lodhura të PD, që mesa duket i kanë dhembur ndonjë kultivuesi a lidhjeje biznesore të vetë PD, por edhe dhjetëra parcela të tilla në të gjithë vendin.”
Pak para Lleshajt, policia, në një reagim zyrtar, tha se fotot e bërë publike nga PD i përkasin vitit 2016.