Presidenti i Bjellorusisë Lukashenko ka miratuar kabinetin e tij të ri, pavarëisht protestave dhe qëndrimeve të ashpra të Bashkimit Europian, i cili nuk i njeh rezultatet e zgjedhjeve të 9 gushtit.
Lukashenko ka emëruar si kryeministër Roman Golovchenkon, deri tani kryetari i Komitetit Shtetëror Ushtarak-Industrial. Ai po ashtu ka emëruar dhe ministrat e rinj.
Vendimi i Lukashenkos vjen pak orë pas deklaratave të forta të Presidentes së Komisionit Europian, Ursula von der Leyen, e cila deklaroi se BE nuk do t’i njohë zgjedhjet presidenciale në Bjellorusi.
Ajo tha se zgjedhjet në Bjellorusi nuk ishin ‘as të lira dhe as të ndershme’.
Presidentja e KE-së dënoi dhunën ndaj protestuesve dhe paralajmëroi vendosjen e sanksioneve për përgjegjësit e dhunës.
