Zoran Zaev u zgjodh Kryeministri i ri të Maqedonisë së Veriut, tetë muaj pas dorëheqjes së tij, diten e dielë, raporton European Western Balkans.
Qeveria e re u zgjodh me 62 vota pro dhe 51 vota kundër. Koalicioni qeverisës përbëhet nga Unioni Social Demokratik i Maqedonisë, Unioni Demokratik i Integrimit dhe deputeti i vetëm i Partisë Demokratike të Shqiptarëve.
Qeveria e re ka 19 ministra, shtatë më pak se ajo e mëparshmja. Zëvendëskryeministri i parë është Artan Grubi i BDI-së, i cili do të jetë përgjegjës për sistemin politik.
Zëvendëskryeministrat e tjerë janë Nikola Dimitrov, i ngarkuar me integrimin evropian, Ljupço Nikollovski, i ngarkuar me luftën kundër korrupsionit dhe Fatmir Bitiqi, i ngarkuar me çështjet ekonomike.
Bujar Osmani (BDI) është Ministri i ri i Punëve të Jashtme, ndërsa Oliver Spasovski, Radmila Çekerinska dhe Venko Filipçe mbajtën përkatësisht pozitat e tyre si Ministra të Brendshëm, Mbrojtjes dhe Shëndetësisë.
Sipas Zaev, përparësitë e qeverisë së re do të jenë trajtimi i pasojave të COVID-19, administrata publike, lufta kundër korrupsionit dhe integrimi evropian.
Komisioneri Evropian për Fqinjësinë dhe Zgjerimin Olivér Várhelyi shkroi në Twitter se ai pret që të punojë me qeverinë e re të Zoran Zaev mbi reformat dhe përparësitë e lidhura me BE, në interes të qytetarëve.
“Është e rëndësishme që të gjitha forcat në shoqëri të punojnë së bashku drejt këtij qëllimi, në funksion të progresit në rrugën drejt BE”, shkroi ai.
Protesta anti-qeveritare e krahut të djathtë u zhvillua përpara Delegacionit të BE në Shkup dhe ndërtesës së Parlamentit të Dielën.
