Partia Demokratike prezantoi të shtunën drejtuesin politik në Lezhë, Mark Marku para strukturave.
Sekretari i Përgjithshëm i PD-së Gazment Bardhi, gjatë prezantimit, tha se zgjedhjet e 25 prillit janë një betejë e rëndësishme jo për partitë politike, por për të ardhmen e vendit:
“Nuk është betejë mes PD dhe PS, por betejë mes Shqipërisë dhe një njeriu që po i merr frymën vendit.”
Ndërsa Mark Marku premtoi se do të punojë në Lezhë, Kurbin dhe Mirditë për të siguruar fitoren e opozitës në zgjedhje.
Mark Marku është profesor në Fakultetin e Gazetarisë. Ai ka qenë më herët deputet i PD.
