Argjentina ka fituar turneun Copa Amerika duke mundur Brazilin 1 me 0 në finalen e luajtur në stadiumin Maracana në Rio De Janeiro.
Lionel Messi ka fituar kështu më në fund një trofe ndëkombëtar me skuadrën e tij kombëtare pasi kishte luajtur më parë në 10 të tillë – 4 Kupa Bote dhe 6 Copa America.
Pavarësisht se është një nga lojtarët më të mirë të gjitha kohërave dhe që ka fituar më shumë trofe – 10 tituj të La Ligas, katër Liga të Kampionëve dhe gjashtë Topa të Artë – mbi karrierën e Messit kishin mbetur pikëpyetjet për mungesën e ndikimit të tij në arenën ndërkombëtare me Argjentinën.
Golin e vetëm të ndeshjes e shënoi Angel Di Maria në minutën e 22 të pjesës së parë.
Messi u shpall lojtari më i mirë i turneut me katër gola të shënuar.
Argjentina triumfon në Copa America për herë të parë pas 28 vitesh.
