Presidenti Meta i bëri thirrje qeverisë që të hartojë urgjentisht një strategji të re për përballimin e situatës së pandemisë.
Duke marrë shkas dhe nga vdekja e mjekut Hysni Shkjau, Meta tha se është bërë shumë shqetësuese ritmi i shtimit të rasteve të të infektuarve dhe numrit të viktimave:
“Ritmet shqetësuese të shtimit të rasteve të qytetarëve të prekur nga COVID-19 dhe të numrit të viktimave, tregojnë se nevojitet urgjentisht një strategji e re, më efikase dhe transparente, për përballimin e pasojave të rënda të kësaj pandemie të rrezikshme, veçanërisht me afrimin e pikut të sezonit turistik.
Çdo neglizhencë e mëtejshme është jo vetëm e papranueshme, por edhe me kosto tepër të rënda për shëndetin dhe ekonominë.”
Presidenti theksoi rëndësinë e mbrojtjes më të madhe të mjekësve e infermierëve që janë në vijën e parë të luftës.
