Ministrja kroate zgjidhet Sekretare e Përgjithshme e Këshillit të Evropës

Ministrja kroate zgjidhet Sekretare e Përgjithshme e Këshillit të Evropës

Ministrja e Punëve të Jashtme e Kroacisë Marija Pejçinoviç Buriç u zgjodh Sekretare e Përgjithshme e Këshillit të Evropës në votimin e djeshëm të Asamblesë së Përgjithshme të KiE.

Ministrja kroate konkurroi përballë ministrit belg të Punëve të Jashtme, Didier Rejnders, për të zëvendësuar Sekretarin e Përgjithshëm Thorbjorn Jagland për një mandate pesëvjeçar.

Marija Pejçinoviç Buriç mori 159 vota nga 274 anëtarët e pranishëm të asamblesë. Rejnders mori 105 vota.

Asambleja e Përgjithshme e KiE ka gjithsej 324 deputetë që përfaqësojnë 47 vendet anëtare të KiE dhe vijnë nga parlamentet komëbtare.

Pejçinoviç Buriç ka qenë zëvendës-kryeministre dhe ministre e Punëve të Jashtme dhe Evropiane e Kroacisë që prej vitit 2017 e në vazhdim.

Sekretarja e re e KiE është gruaja e dytë në historinë e organizatës që mban këtë post dhe personi i parë nga Evropa Juglindore. Ajo pritet të marrë zyrtarisht detyrën më 15 tetor 2019.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>