Ministrja e Arsimi Kushi theksoi se në shkolla respektohen të gjitha masat kundër përhapjes së Covid-19.
Gjatë një konference për shtyp bashkë me kryeministrin Rama, Kushi tha se ka inspektuar nga afër shkollat, madje disa herë dhe me vizita të palajmëruara:
“Ju siguroj që ndërgjegjësimi i nxënësve dhe mësuesve është maksimal. Nxënësit janë më të mbrojtur në klasa se sa kur luajnë poshtë pallatit apo kur janë në ambiente të tjera.”
Ajo theksoi se ministria informohet çdo ditë për numrin e mësueve të infektuar:
“Ne çdo ditë e dimë se sa mësues e nxënës janë të infektuar në çdo shkollë të vendit.”
