Mjekja Bala i drejtohet qytetarëve: Neglizhenca më e vogël ju kushton jetë

Nga Exit News
Mjekja Bala i drejtohet qytetarëve: Neglizhenca më e vogël ju kushton jetë

Profesoreshë Silva Bala i është drejtuar me një mesazh ndërgjegjëses qytetarëve. Mjekja Bala i ka bërë thirrje atyre të tregohen të kujdesshëm dhe të respektojnë masat e vendosura për të parandaluar koronavirusin.

Mjekja gjithashtu shpjegoi se kur një pacient me COVID-19 duhet t’i drejtohet spitalit:

“Ju lutem bashkëqytetarë të mit tregoni kujdes për shëndetin tuaj sepse shëndeti është gjëja më e çmuar që ka njeriu.

Nëse ju drejtoheni tek mjeku i familjes, tek mjeku specialist dhe mjeku ju thotë se ju jeni për t’u trajtuar në spital mos e neglizhoni këtë rekomandim të mjekut.

Drejtohuni sa më parë qendrave spitalore në kohën që mjeku mendon se ju nuk mundet të vazhdoni më të mjekoheni në shtëpi. Në shtëpi mjekohet sëmundja e lehtë.

Mjeku kur mendon që sëmundja është e patrajtueshme në shtëpi, është e domosdoshme që trajtimi të bëhet në qendra spitalore, në trajtim të kontrolluar me ekzaminime të vazhdueshme të gjendjes suaj. Neglizhenca më e vogël ju kushton jetë. Ju lutem, sa herë që të dilni nga shtëpia , mos e harroni maskën. Maskë është pjesë të trupit tuaj tashmë për t’ju mbrojtur nga ky virus i rrezikshëm”.

Adresa juaj e emailit nuk do bëhet publike.

Lajme te ngjashme