Ndahet nga jeta në moshën 83 vjeçare poeti Uran Kostreci, i përndjekur nga regjimi komunist.
Urani u dënua më 15 vjet burg nga Gjykata Ushtarake e Tiranës “për tradhti ndaj atdheut”, nqë vitin 1961 kur ishte 23 vjeç.
Në vitin 1973, ai u ridënua me 8 vjet të tjera për “agjitacion e propagandë”, kur ishte në burgun e Burrelit. Pas 20 vjetësh në burg, ai u internua në vitin 1981 për 5 vite të tjera.
Kostreci ka filluar të shkruajë poezi që në gjimnaz, por nuk mundi të botohej për arsye biografie. Botimet e para i ka filluar pas rënies së regjimit komunist.
Ka botuar disa vëllime poezi dhe një novelë. Ndër më të njohurat është poema “Epopeja e karkalecave”, të cilën e shkroi në vitet e burgut të Burrelit.
