Nga 15 janari nis aplikimi i fermerëve për naftën pa akcizë

Nga Exit News
Nga 15 janari nis aplikimi i fermerëve për naftën pa akcizë

Nga e premtja, 15 janar, do të hapen aplikimet për të gjithë fermerët për të përfituar naftën pa akcizë.

Zëvendëkryeministri Erion Braçe i ka bërë thirrje fermerëve që plotësojnë dokumentet dhe të aplikojnë.

Në një postim në Facebook, Braçe udhëzoi veçanërisht fermërët e Divjakës dhe Lushnjës, zonës së tij zgjedhore, që të shkojnë pranë njësive administrative:

“Për bashkinë Divjakë e Lushnje,

Për tu ndihmuar, shkoni pranë njësive administrative, ku një nëpunës u ndihmon të aplikoni online!”

Në 1 dhjetor 2020, qeveria hoqi akcizën, taksën e qarkullimit dhe të karbonit nga nafta për fermerët me numër identifikimi ekonomik (NIPT).

Në mënyrë të vazhdueshme, Braçe i ka bërë thirrje fermerëve që të regjistrohen dhe të pajisen me NIPT si e vetmja mënyrë për të përfituar nga ky lehtësim.

Dokumentet që duhet për të aplikuar janë:

  1. NIPT I FERMERIT AKTIV për fermerët individual;
  2. NIPT/NUIS AKTIV për personat fizik e juridik me aktivitet bujqësor;
  3. Toke Bujqësore në pronësi ose në përdorim me dokumentat përkatëse;
  4. Madhësia totale e fermës mbi 0.4 hektar dhe parcelë më të madhe se 0.1 hektar.

 

Adresa juaj e emailit nuk do bëhet publike.

Lajme te ngjashme