Nisma #Thurje prezantoi të dielën listën e kandidatëve që të do të kryesojnë listat garuese për zgjedhjet parlamentare të 25 Prillit.
Në njoftimin në rrjetin Facebook, Nisma deklaroi se qëllimi ishte që të sjellë në Shqipëri një ndryshim rrënjësor politik, që vendi të ketë një demokraci përfaqësuese, ku qytetarët të jenë pjesë e vendimmarrjes.
“Ne nuk jemi një vend i varfër, Shqipëria i ka të gjitha këtu, por na duhet një organizim më i mirë për të rimarrë në duar fatin tonë” u shpreh Shabani gjatë prezantimit të kandidatëve.
Kandidatët, dosjet e të cilëve janë dorëzuar në KQZ, thuhet se vijnë nga jetë të ndryshme dhe përfaqësojnë në mënyrë të drejtë gjithë Shqipërinë.
Sipas Nismës, ata nuk kandidojnë për t’u bërë politikan, por për të futur qytetarin në Parlament, në mënyrë që të mos flitet më për hallet e kryetarëve, por të qytetarëve.
“Prandaj, ata po shkojnë në Parlament për të cuar përpara 33 projektligje që synojnë transformimin politik të Shqipërisë, duke menduar jo vetëm për 4 apo 8 vitet e ardhshme, por për 100 vitet e ardhshme të Shqipërisë,” shkruhet në deklaratën e Nismës #Thurje ndër të tjera.
Në Qarqun e Tiranës, Durrësit,Shkodrës e Korçës Nisma #Thurje do të dalë me nga 2 kandidatë, ndërsa në qarqet Lezhë, Elbasan, Fier,Vlorë do të dalë me nga një kandidat.
Listën e Tiranës e kryeson ekonomisti i njohur Pano Soko, pasuar nga kryetari i Nismës, Endri Shabani.
Ky i fundit do të kandidojë në katër qarqe: Tiranë, Durrës, Korçë e Shkodër.
Në Durrës, Shabani do të jetë i pari në listë, pasuar nga Egriselda Allushi me profesion mjeke.
Lista e plotë personave që kryesojnë garën si vijon:
Tirana
Panajot Soko – Ekonomist
Endri Shabani – Pedagog
Durrës
Endri Shabani – Pedagog
Egriselda Allushi – Mjeke
Shkodër
Amel Pervizi – Ekonomist
Endri Shabani – Pedagog
Lezhë
Rigerta Loku – Fermere
Korçë
Nr. 1 Klajdi Pllaha – Mësues
Nr.2 Endri Shabani – Pedagog
Elbasan
Rudina Hajdari – Deputete
Fieri
Andi Demo – Diplomat
Vlora
Enriko Kaçaj – Sipërmarrës
Kukës
Arbër Ndreu – Trajner sporti
Gjirokaster
Kristaq Begzo – Sipërmarrës
Berat
Agur Sadiku – Sipërmarrës
Prezantimi i kandidatëve u bë sot në selinë e Nismës Thurje.
