Një tjetër mjek ka humbur jetën si pasojë e koronavirusit ditën e sotme me 25 nëntor.
Mjeku otorinolaringolog në QSUT, Bledi Nini nuk e ka fituar betejën me këtë virus. Lajmin e bëri të ditur kryebashkiaku i Vlorës, Dritan Leli, i cili në një postim në Facebook shkruan:
“Lajmi se miku e kolegu im, një nga mjekët më të talentuar vlonjat, Bledi Nini, e humbi këtë mëngjes betejën me Covidin, nuk është i thjeshtë për mua. Virusi nuk është lojë mediatike, kujdesuni për veten, përdorni maska dhe tregohuni të vëmendshëm ndaj të gjitha masave parandaluese! Pushofsh ne paqe, Bled!”
Mjeku Nini kishte shkuar të kurohej në Itali, pasi gjendja e tij ishte përkeqësuar.
