Organizata Botërore e Shëndetësisë (OBSH) i kërkoi vendeve të G7-ës të financojnë rimëkëmbjen globale pas goditjes së Covid-19, raporton AFP.
OBSH u shpreh se 7 ekonomitë me të fuqishme të botës kanë mundësitë financiare për të blerë vaksina, teste dhe trajtimet e nevojshme për të ndaluar pandeminë dhe hapur kufijtë.
“Vendet e G7 janë liderët ekonomikë dhe politikë të botës. Ata janë gjithashtu shtëpia e shumë prodhuesve të vaksinave në botë. Ne do të zgjidhnim krizën e vaksinave vetëm me përmes ndihmës së këtyre vendeve”, tha Tedros në një konferencë për shtyp.
Tedros u mbështet nga ish-kryeministri britanik Gordon Brown, i cili paralajmëroi se pandemia po kthehej në një “katastrofë të bërë nga njeriu”.
